سياسة.رياضة.فن..جميع الاخبار و اجددها ... بس في أبناء فلسطين


    ليش منحب رام الله

    avatar
    اليمامة الزرقاء
    عضو نشيط
    عضو نشيط

    انثى
    عدد الرسائل : 212
    العمر : 22
    تاريخ التسجيل : 19/08/2008

    ليش منحب رام الله Empty ليش منحب رام الله

    مُساهمة من طرف اليمامة الزرقاء في الأحد نوفمبر 02, 2008 6:20 pm

    1 لانه في رام الله الواحد بيطلع من الكوفي شوب عشان يروح على مطعم
    2 لانه في رام الله ما بتحتاج لموعد مع اصحابك لانك كل يوم بتشوفهم
    3 لانه في رام الله اول واحد بهنيك برمضان صاحبك المسيحي
    4 لانه في رام الله في عيد الميلاد اول واحد بهنيك صاحبك المسلم
    5 لانه في رام الله كل الناس بتحب بعض بس ما بتتدخل في بعض
    6 لانه في رام الله البنات حلوات بدون عمليات تجميل
    7 لانه في رام الله ممكن انك تنبسط وما تصرف الا شيكلين
    8 لانه في رام الله ممكن تفطر فلافل وتتغدى صيني وتتعشى بيتزا ايطالية
    9 لانه في رام الله بتشوف الناس رايحة على شغلها الصبح وطالعة تسهر بالليل
    10 لانه في رام الله بتكزدر في ركب وبتاكل بوظة ركب واروع قعدة في ركب
    11 لانه في رام الله اول ما تروح عند صاحبك بدخلك على المطبخ وبطعميك اكل بيتهم
    12 لامه في رام الله اول ما يدخلها الجيش كل الشباب بتضربهم حجار واول ما يطلعوا بروحوا يريحوا في المقاهي والمطاعم
    13 لانه في رام الله الكل متواطئ على سماع فيروز الصبح
    14 لانه في رام الله بتدفي قلبك بشيكل ازا شريت كيس فستق محمص وسخن
    15 لانه في رام الله بس رح تسمع الكلمات القروية بلهجة اجنبية give me a تشرسي لانو اسماء الاشارة برام الله فريدة من نوعها هيذا وميذا وهما
    16 لانه في رام الله كل الناس بتستنى بعض عند البنك العربي حتى الاجانب
    17 لانه في رام الله اي واحد اتعرفت عليه على الماسنجر بتلاقيه بكزدر في شارع ركب
    18 لانه رام الله مدينة حزينة يوم الخميس بكونوا اهل الشام روحوا
    لانو هون ما بتعرف وين بتخلص رام الله وبتبلش البيرة
    19 لانه في رام الله وانت نازل بشارع المنتزه....بتردلك الروح
    20 لانه في رام الله فايروس الحب منتشر في رام الله...وكل الناس مزكمين
    21 لانه في رام الله الخضرجي بحبك تاكل كويس...عشان هيك ما ببيعك الا بالرطل
    22 لانه في رام الله ازا انقطعت من المصاري الا ما تلاقيلك صاحب يدفع اجار الطريق
    وازا ما لقيت اركب السرفيس وحيتخانقوا 3 عشان يدفعوا عنك

      الوقت/التاريخ الآن هو الأحد أكتوبر 20, 2019 1:50 pm